Shia Strength: ï¿½ Ali Valiyollah Group ï¿½ pas-e-gird-e-jada-e-dard noor ka qaafla bhee to dekhtay.

Thursday, February 4, 2010

ï¿½ Ali Valiyollah Group ï¿½ pas-e-gird-e-jada-e-dard noor ka qaafla bhee to dekhtay.

pas-e-gird-e-jada-e-dard noor ka qaafla bhee to dekhtay,
jo dilon say ho k guzar raha hai vo raasta bhee to dekhtay,

ye dhuwaan jo hai ye kahan ka hai vo jo aag thee vo kahan kee thee,
kabhee raah-yaan-e-khabar-zadah pas-e-waaqiya bhee to dekhtay,

ye guloo-girifta-o-basta-e-rasan-e-jafa, meray hum-qalam!
kabhee jaabiron k dilon mein khof-e-mukalima bhee to dekhtay,

ye jo pattharon mein chhupee huee hai shabeeh ye bhee kamal hai,
vo aa'inay mein humak raha hai vo mo'jzah bhee to dekhtay,

jo hawa k rukh pe khulay huwe hen vo baad-baan to nazar mein hen,
vo jo moj-e-khoon say ulajh raa hai vo hosla bhee to dekhtay,

ye jo aab-e-zar say raqam huee hai ye daastaan bhee mustanad,
vo jo khoon-e-dil say likha gaya hai vo haashiya bhee to dekhtay,

men to khaak tha kisee chashm-e-naaz mein aagaya hoon to mehr hoon,
meray meherbaan kabhee ik nazar mera silsilaa bhee to dekhtay,

--
Iftikhar Arif