salam Un (saww) per, durood Un (saww) per
Vo (saww) keh rahay thay
zameen ne bojh aesay aadmee ka nahee uthaya jo tum say sucha ho a'ey Abuzar
Vo (saww) keh rahay thay
falak nay saaya nahee kia aesay aadmee perjo tum say sucha ho a'ey Abuzar
sabhee yasaar-o-yameen tasdeeq ker rahay thay
tamaan ahl-e-yaqeen tasdeeq ker rahay thay
salam Un (saww) per durood Un per (saww)
magar zamanay nay ye bhee dekha
vohee Madinah hai or Abuzar hen or minbar hai or minbar ka fesla hai
or ab jo minbar ka fesla hai vo Qol-e-Sadiq (saww) say mukhtalif hai
jo Qol-e-Sadiq (saww) say mukhtalif hai vo fesla meray or minbar k dermiyaan
ik sawaal bun ker teher gaya hai
bohot zamana guzar gaya hai magar Abuzar nigaah mien hen
pas-e-kameen-
nigaah mein hen
Damishq-o-Baghdaad-
pe palnay waalay tamaan minbar nigaah mein hen
jahan-e-mazloom khwaab-e-deegar ka mnuntazir hai
neya zamana na'ye Abuzar ka muntazir hai
--
Iftikhar Arif
__._,_.___
.
__,_._,___
No comments:
Post a Comment