Shia Strength: ï¿½ Ali Valiyollah Group ï¿½ Abu Talib k baytay.

Monday, February 15, 2010

ï¿½ Ali Valiyollah Group ï¿½ Abu Talib k baytay.

jabeen-e-waqt per likhee huee sucha'iyaan roshan rahee hen

taa-abad roshan rahen gee

Khuda shahid hai or vo zaat shahid hai k jo wajh-e-asaas-e-anfus-o-aafaaq hai

or khayr kee tareekh ka vo baab-e-awwal hai

abad tek jis ka fezaan-e-karam jaaree rahay ga

yaqeen k, aagahee k, roshnee k qaafilay her dor mein aatay rahay hen

taa-abad aatay rahen gey

Abu Talib k baytay hifz-e-naamoos-e-Risalat kee riwayat k ameen thay

jaan dena jaantay thay

vo Muslim hon k 'Abbas hon, 'Aun-o-Muhammad hon, Ali Akbar hon, Qasim hon, Ali Asghar hon

Haq pechantay thay

lashkar-e-baatil ko kab gerdaantay thay

Abu Talib k baytay sar-bureedah ho k bhee 'elaan-e-Haq kertay rahay hen

Abu Talib k baytay paa-bajolaan ho k bhee 'elaan-e-Haq kertay rahay hen

Abu Talib k baytay sarf-e-zindaan ho k bhee 'elaan-e-Haq kertay rahay hen

Madinah ho, Najaf ho, Kerbala ho, Kazmen-o-Saamrah ho, Mashad-o-Baghdaad ho

Aal-e-Abu Talib k qadmon k nishaan

insaaniyat ko os kee manzil ka pata detay rahay hen

taa abad detay rahen gey

Abu Talib k bayton or Ghulaman-e-'Ali ibne Abi Talib mein ik nisbat rahee hay

muhabbat kee ye nisbat umr bhar qa'im rahay gee

taa abad qa'im rahay gee

--
Iftikhar Arif