kabhee kabee dil ye sochta hai
na janay hum be-yaqeen logon ko naam-e-Haider se rabt kyun hai
Hakeem janay vo kesee hikmat say aashna tha
Shajee' janay k badr-o-khebar kee fatah-mandee ka raaz kia tha
Haleem janay vo 'ilm k kon say safeenon ka na-khuda tha
mujhay to bus sirf ye khabr hai
vo meray Mola (saww) kee khushboo'on mein racha basaa tha
vo Un (saww) k daamaan-e-'aatifat mein palaa berhaa tha
or os k din raat meray Aaqa (saww) k chashm-o-abroo-
vo raat ko dushmanon k nerghay mein so raha tha to Un (saww) kee khatir
jadaal mein sar say paa'on tek surkh ho raha tha to Un (saww) kee khatir
so os ko mehboob jaanta hoon
so os ko maqsood maanta hoon
sa'adaten os k naam say hen
mohabbaten os k naam say hen
muhabbaton k sabhee gharaanon kee nisbaten os k naam say hen
--
Iftikhar Arif
__._,_.___
.
__,_._,___
No comments:
Post a Comment