Shia Strength: ï¿½ Ali Valiyollah Group ï¿½ zikr-e-Mazloom ('a) ko in'aam mein rekha gaya hai,

Saturday, January 9, 2010

ï¿½ Ali Valiyollah Group ï¿½ zikr-e-Mazloom ('a) ko in'aam mein rekha gaya hai,

zikr-e-Mazloom ('a) ko in'aam mein rekha gaya hai,
zulm ko zumrah-e-dushnaam mein rekha gaya hai,

az-azal taa-ba-abed saaray yazeedon ka hisaab,
aik he daftar-e-bad-naam mein rekha gaya hai,

taa-qayamat kisee zaalim ko na ho jurr'at-e-zulm,
sabr ko manzil-e-iqdaam mein rekha gaya hai,

Kerbala ho k Najaf ho k Madeena sab ko,
Noor k silsila-e-'aam mein rekha gaya hai,

men nay taqweem-e-shahadat pey nazar kee to khula,
khaak ko sheesha-e-ayyaam mein rekha gaya hai,

sabr-e-Makhdooma-e-Konen ('a) kee waris Zainab ('a),
ik nishaanee k jisay Shaam mein rekha gaya hai,

muftakhir hoon to ye fezaan-e-karam hai Un ka,
Un kee nisbat ko meray naam mein rekha gaya hai,

--
Iftikhar Arif