Shia Strength: ï¿½ Ali Valiyollah Group ï¿½ ta'arruf!

Friday, January 8, 2010

ï¿½ Ali Valiyollah Group ï¿½ ta'arruf!

ta'arruf

mayan-e-Khaliq-o-makhlooq khatt-e-Noor-e-Muhammad (saww),
Muhammad (saww) khud jisay Qur'an ferma den vo Qur'an,
Ali ('a) vo jin k chehray per nazar kerna 'ibadat,
Nabi (saww) jin k liye taa'zeem ko utthen vo Zehra ('a),
jawanaan-e-jinaan k Syed-o-Sardar Hasnain ('a),
shuja'at sabr k pekar mein dhal jaa'ye to Zainab ('a),
wafaa imkaan say aagay nikal jaa'ye to Abbas ('a),

--
Iftikhar Arif

mayaan-e-tegh-o-sinaan La ilaha illa Allah,
hadees-e-sho'la-bajaan La ilaha illa Allah,

muqaam-e-sajda-e-be-ikhteyaar, 'ijz tamaan,
kamaal-e-harf-e-bayaan La ilaha illa Allah,

jahan Rasool (s) k naqsh-e-qadam waheen pay Ali ('a),
waheen Hussain ('a) jahaan La ilaha illa Allah,

her imtehaan, her ik ibtila kee manzil mein,
qaraar-e-dil-zedgaan La ilaha illa Allah,

shahood-o-shahid-o-mash.hood aik hon k na hon,
ameen-o-aman-o-amaan La ilaha illa Allah,

ghubaar uraatay huwe waqt k muqabil bhee,
hisaar-e-naam-o-nihsaan La ilaha illa Allah,

sawaal-e-bey'at-e-darbaar-e-Shaam or Hussain ('a),
kahaan Yazid kahaan La ilaha illa Allah,

kinaar-e-aab-e-rawaan, irebaat-e-mashk-o-alam,
fughaan-e-tashna-labaan La ilaha illa Allah,

--
Iftikhar Arif

Kerbala kee khaak per kia aadmee sajday mein hai,
maut ruswa ho chukee hai zindagee sajday mein hai,

vo jo ik sajdah Ali ('a) ka bech raha tha waqt-e-fajr,
Fatimah ('a) ka Laal shayad ab osee sajday mein hai,

sunnat-e-Peghambar-e-Khaatim (saww) hai sajday ka ye tool,
kal Nabi (saww) sajday mein thay aaj ik Walee sajday mein hai,

vo jo 'Ashura kee shab gul ho gaya tha ik gharaagh,
ab qayaamat tek osee kee roshnee sajday mein hai,

hashr tek jis kee qasam khaatay rahen gey ahl-e-Haq,
aik Nafs-e-Mutma'in os daa'imee sajday mein hai,

nok-e-nezah per bhee honee hai tilawat ba'ad-e-asr,
Mushaf-e-naatiq tah-e-khanjar abhee sajday mein hai,

is pay herat kia laraz utthee zameen-e-Kerbala,
raakib-e-Dosh-e-Payambar (saww) aakhree sajday mein hai,

--
Iftikhar Arif