Shia Strength: ï¿½ Ali Valiyollah Group ï¿½ kalaam karo taa k pehchanay ja'o.

kalaam karo taa k pehchanay ja'o. -- Ali ibne Abi Talib ('a)

daa'wat, hijrat,

badar, ohad, khebar, khandaq, aik aik warq per

khatt-e-jalee say likha hai ik naam

'Ali ka naam

'Ali k naam k wird-o-wazeefa kertay guzree umr tamaam

awwal say aakhir tek ism-e-Muhammad (saww) kee tanweer

'Aalaa, 'Ali, Mu'alla, 'Aalee Noor kee ik zanjeer

Noor kee is zanjeer ka halqa halqa noor-nazhaad

Tayba, Najaf, Kerbala, Mashad, Kazmen, Baghdaad

Ghos, Qutub, Abdaal, Qalandar, sab kee manzil aik

zikr, bayaan, kalam, 'ibadat sab ka haasil aik

is haasil tek janay walee leher ka darya aik

is manzil tek janay waalay shehr ka rasta aik

Shehr-e-Noor k is rastay kee dhool mera in'aam

daa'wat, hijrat, badar, ohad, khebar, khandaq, aik aik warq per

khatt-e-jalee say likha hai ik naam, 'Ali ka naam

'Ali k naam ka wird-o-wazeefa kertay guzree umr tamaam

--
Iftikhar Arif