Shia Strength: ï¿½ Ali Valiyollah Group ï¿½ jo jaantay hen vo is amr-e-Rab say waaqif hen.

hum ahl-e-jabar kay naam-o-nasab say waaqif hen,
saron kee fasl jab say utree thee tab say waaqif hen,

kabhee chhupay huwe khanjar, kabhee khinchee huee tegh,
sipah-e-zulm kay aik aik dhab say waaqif hen,

vo jin kee dastakhaten mehzar-e-sitam pe hen sabat,
her os adeeb, her os be-adab say waaqif hen,

ye raat yoon he to dushman nahee humaree k hum,
darazee-e-shab-e-ghum kay sabab say waaqif hen,

ko'ee 'ajab to nahee harf-e-Haq kee tanha'ee,
jo jaantay hen vo is amr-e-Rab say waaqif hen,

--
Iftikhar Arif